Þetta er aðgerðahnappurinn svokallaði. Víða í netbankanum má finna þennan samhengisbundna aðgerðahnapp sem einkenndur er með þremur láréttum strikum. Þar undir má finna þær aðgerðir sem eiga við hverju sinni.

Gamli netbankinn hefur sannarlega virkað vel í gegnum tíðina og margir þekkja hann vel. Hann er þó kominn til ára sinna og tími kominn til að uppfæra viðmótið í honum og flæði aðgerða meðal annars í ljósi stóraukinnar notkunar spjaldtölva og snjallsíma.

Ein helsta ástæða breytinganna er því sú að gera netbankann spjaldtölvuvænni. Það þýðir m.a. breytt leiðakerfi, stærri hnappa, reiti, letur og töflur. L.is er samt enn fyrsti kostur á farsíma þó netbankinn henti vissulega einnig mjög vel á slíkum tækjum.

Já, netbankinn virkar mjög vel í spjaldtölvum. Ein helsta ástæða þess að farið var út í breytingarnar árið 2015 var að gera netbankann aðgengilegri á spjaldtölvu en viðskiptavinir okkar kjósa æ frekar að sinna viðskiptum sínum í spjaldtölvum eða snjallsímum.

Þess vegna var farið út í það að uppfæra virkni og útlit netbankans svo hann virki betur á spjaldtölvum. Það þýðir m.a. breytt leiðakerfi og stærri hnappa, reiti, letur og töflur.

L.is er enn fyrsti kostur fyrir farsíma þó netbankinn henti vissulega einnig mjög vel á slíkum tækjum.

Já, netbankinn virkar vel á snjallsíma. Hann er þó sérstaklega hugsaður fyrir einkatölvur og spjaldtölvur svo enn sem komið er er l.is besti kostur fyrir farsíma.

Undir Ógreiddir reikningar er flipi sem heitir Greiðslu- og gíróseðlar.

Alltaf er hægt að komast á forsíðu netbankans með því að smella á Landsbankamerkið efst í vinstra horninu.

Til þess að finna greiðsluþjónustu/greiðsludreifingu velur þú "Ógreiddir reikningar" efst á síðunni, síðan velur þú flipann lengst til hægri sem er merktur "Greiðsludreifing"

Til þess að finna Lín velur þú Lán efst á síðunni og þá er flipi lengst til hægri merktur LÍN

Finna má Meniga frá forsíðunni undir Stöðuyfirliti

Til þess að finna PIN fyrir kreditkort ferð þú í kreditkortayfirlit, þar er svo hnappur merktur PIN sem þú smellir á.

Til þess að finna PIN fyrir debetkort ferðu í færsluyfirlit reikningsins, þar er svo hnappur merktur PIN sem þú smellir á.

Til þess að finna rafræn skjöl velur þú flipann merktan því á upphafssíðunni.

Stillingar má finna undir þrístrikaða reitnum efst í hægra horninu.

Skilaboð birtast undir flipa á forsíðu netbankans sem merktur er "Skilaboð". Einnig má sjá yfirlit yfir nýjustu skilaboð í valmyndinni efst í hægra horni netbankans sem merkt er með þremur láréttum strikum. Hún er aðgengileg af öllum síðum netbankans, ekki bara forsíðunni. Þegar ný skilaboð berast birtist rauður kassi sem sýnir fjölda ólesinna skilaboða.

Valmöguleikinn að senda tilkynningu eða kvittun á viðtakanda vegna greiðslu kemur fram við lok greiðslunnar, þá kemur upp gluggi með ýmsum valmöguleikum til að senda kvittanir.

Útskráningarhnappinn má finna í valmyndinni efst í hægra horni netbankans sem merkt er með þremur láréttum strikum. Þá opnast þessi valmynd og þú velur þar útskrá.

Til þess að leita í Þjóðskrá smellir þú á aðgerðarhnappinn efst hægra megin á síðunni, þá færðu upp glugga þar sem er meðal annars hægt að velja Þjóðskrá

Með því að smella á tannhjólið í samantektarkössunum efst á síðunni má velja hvaða upplýsingar birtast.

Ef smellt er á þrístrikaða reitinn hægra megin við valgreiðsluna koma upp aðgerðir, þ. á m. að eyða viðkomandi reikningi.

Ef þú gleymir lykilorðinu þínu þarft þú að koma við í næsta útibúi Landsbankans og sækja nýtt lykilorð hjá þjónustufulltrúa gegn framvísun skilríkja.

Til þess að greiða greiðsluseðil handvirkt velur þú "Ógreiddir reikningar" efst á síðunni og svo flipann "Greiðslu- og gíróseðlar"

Fljótlegasta leiðin er af síðunni þinni með því að smella í þrístrikaða aðgerðahnappinn hægra megin við bankareikninginn þinn. Þar er aðgerð sem heitir "greiða inn á kreditkort".

Ef um reikningsyfirlit er að ræða er einfalt að ýta á ctrl-P á Windows eða slaufa-P á Mac og yfirlitið prentast út á einfaldan og skýran hátt.

Einnig er hægt að vista yfirlitið í Excel skjal með því að ýta á bláa hnappinn, hægra megin ofan við yfirlitið.

Ef um staka millifærslu er að ræða er einfalt að sækja kvittunina sem PDF skjal og prenta út.

Tungumálastillingar má finna í valmyndinni efst í hægra horni netbankans sem merkt er með þremur láréttum strikum. Þar má velja á milli íslensku, ensku og pólsku.

Netbankinn vistar sjálfkrafa alla viðtakendur sem millifært hefur verið til síðustu tvö ár. Á millifærslusíðunni má finna lista yfir alla þessa þekktu viðtakendur. Þú getur einnig útbúið sérstakan lista með eftirlætisviðtakendum þínum svo þú getir fundið þá strax.